تحذير من طريقة نصب جديدة و خطيرة

نصباية القرن 

النصب بقى المرة دى عن طريق مكالمة تليفون وبطريقة سهل جدا تخدعك ..

ركزوا معايا..

بيتصل بك شخص مهذب من رقم خاص private number

بيقول لك انه خدمة عملاء اتصالات وان رقم تليفونك كسب جايزة قيمة جدا من اتصالات
بس ياريت تأكد معانا بيانات الخط .. ويسأل عن الاسم ثلاثي ورقم البطاقة من الشمال لليمين ..

هيقول لك انه تم تأكيد بيانات خطك وفى خلال ساعة هتوصل لك رسالة فيها رقم سري .. ماتقولوش لحد .. وهيتصل بك حد من خدمة عملاء اتصالات يقول لك على الجائزة وياخد الرقم السري ..

هيتصل بك واحد من رقم خاص على انه من خدمة عملاء اتصالات وياخد منك الرقم السري ويقول لك انت كسبت عربية bmw وان مش مطلوب منك اى فلوس .. وان هيقابلك مندوب فى المرور هيرخص لك العربية وان مصاريف الترخيص هدية من اتصالات ..

بس فى شرط صغير .. انك تشترك فى باقة vib لمدة ست شهور .. والشهر بثلاثة الاف جنيه وهتاخد 12 جيجا نت و 5000 دقيقة لكل الشبكات ودقايق دولى ..
وان لازم تشحن فى خلال ساعتين ..
وممكن تشحن بسرعة من اى ماكينة فورى على خطك بمبلغ ثلاثة الاف جنيه عشان تفعل الباقة ..

تروح انت زي الباشا تشحن وتنتظر ..
وتنتظر ..
وتنتظر ..
وتيجي تتأكد اذا كانت الباقة اتفعلت ولا لسه .. تلاقي الرصيد اختفي ...

.. تفسير الخدعة ..

النصاب نزل برنامج اتصالات .. 
ودخل رقمك وبياناتك .. واتبعتت رسالة تأكيد على موبايلك فيها الرقم السري .. وباتصالهم بك خدوا الرقم وفعلوا البرنامج ..
انت بقى تشحن المبلغ .. وهو عن طريق البرنامج بيحول الرصيد لاى رقم تاني تبع النصاب ..