ما هى قرحه المعده و ما هو علاج القرحة الدوائي والجراحي وعلاقة القرحة بالميكروب الحلزوني

ما هي قرحه المعدة وعلاج القرحة الدوائي والجراحي وعلاقتها بالميكروب الحلزوني  

تعالوا  نفهم ليه بتحصل قرحه المعدة وايه اسبابها
قرح الجهاز الهضمي ممكن تكون في المعدة او الاثني عشر بس مجازا تسمي قرحه المعدة ..

يعني ايه قرحة معدة فى الاول كده

المعدة دي عباره عن طبقات
طبقه من الداخل بتبطين المعدة ودي اسمها mucosa ودي تتكون من نوع من الأنسجة اسمه نسيج طلائي والي يحميها من الحموضة الخاصة بالمعدة واي حاجه كاويه للمعدة..

وبعدها طبقه اسمها sub mucosa ودي فيها الشرايين والاعصاب زي العصب الحائر وبعديها طبقه من العضلات واخيرا غلاف من الخارج اسمهاserosa
  
هذا معناه  ان حصل انفصال او قطع في منطقه البطانة الداخلية تصبح عرضه لحمض المعدة HCL 

طيب ايه اسبابها ؟؟؟؟؟

اولا :

 الميكروب الحلزوني اهم سبب هو مسؤول بنسبه90%عن قرحه الاثني عشر وعن70% من قرحه المعدة..
و طبعا الميكروب ده بتسبب شويه حاجات من ضمنهم  انه بيلزق  في جدار المعدة و بيطلع انزيم اسمه يوراز urease ودى بتكسر اليوريا الامونيا الي وبتسبب التهاب في جدار المعدة وتسبب القرحة ..
برضوا الامونيا بتخلي الوسط  قاعدي شويه عشان كده الميكروب بيحمي نفسه من الحموضة ويخترق جدار المعدة عن طريق الاهداب بتاعته ويعيش جواها وينتعش ويفضل يطلع مواد سامه الي بتسبب قرحه معده او ضمور ف جدار المعدة او سرطان المعدة  لا قدر الله ..

طيب هو بيجي من فين
طبعا موجود في مياه البرك والمستنقعات والترع والاكلات من المطاعم الي مش كويس او حتي ست البيت الي مش بتغسل ايديها والخضروات كويس

ثانيا :

 سبب منتشر بس مش زي الميكروب الحلزوني هو استخدام المسكنات بكثرة .
وخصوصا NSAID

وده اختصار لكلمه اسمها non steroid anti inflammatory drugs
مثل الاسبرين الكتف لام وكتافست وفولتا رين واخواته وكيتولاك والخ ...

طبعا الكلام ده لازم يكون على فترات طويله وكميات كبيره خصوصا  فى مرضي العظام او الروماتويد . والناس اللى تفضل تبلبع في مسكنات  
ازاي بيعملوا  قرحه....؟؟!
المسكنات دى يثبطوا من انزيم اسمه1 COX.. والانزيم ده مسئول عن ماده اسمها بروستاجلاندين ...pg
المادة دي بتزود الدم اللي رايح يغذي المعدة عن طريق انها بتوسع الشرايين اللي رايحه للمعدة.
ثاني حاجه بتزود كميه المخاط الي موجود فوق بطانه المعده , لما حضرتك تقللها  او تمنع تكوينها يعني بقلل الدم الي بتغذي المعدة وبتقلل تكوين المخاط الي بيحمي المعدة.... 

ثالثا :

فيه حاجات بتكون عامل مساعد مثل :-
التدخين سواء سجاير او شيشة  و الحشيش

الاكل الحار و الشطة .. فيه ناس تعشق القرن الفلفل الحراق   

التوتر وده بيحصل كتير خصوصا ايام الامتحانات

الناس الرفيعين الي على طول متوترين وقلقين ..
فيه ناس عندهم العصب الحائر بيكون عالي شويه و ده بيزود من خروج ماده الهيس تامين الي بتزود تكوين الحمضHCL
الناس الي عندهم كرات الدم الحمراء عالية جدا بتتعدي النسب الطبيعية. ..

اعراض قرحة المعدة و مشاكلها

طبعا المريض اللي عنده قرحه بيشتكي من الم في المعدة   

اولا... الم مزمن فى فم المعده وساعات بيكون شديد اوي لو حصل اختراق لجدار المعدة

ثانيا...  الالم بيقعد من دقائق لساعات
ثالثا...  بيزيد الالم بعد الاكل ويخف بالصيام  و لو كان ف الاثني عشر يحصل العكس
الالم ده بيخف بالفوار زي الراني او الترجيع او الصيام ...

اللي عنده قرحه فى المعدة بيخس لكن اللي عنده في الاثني عشر ممكن يزيد والسبب ان اللي عنده قرحه في الاثني عشر بيرتاح لما يأكل فكل شويه عاوز يأكل

...

طيب ايه المشاكل الي ممكن تعملها القرحة لو العيان لم يعالج ...

-         حاجه يحصل اختراق لجدار المعدة يعني المعدة تتخرم وتنزل الحمض HCL جوه تجويف البطن طبعا  دي مصيبه ...

-         لنزيف الي ممكن يدخل العيان في غيبوبة .
- التليف او تكوين نسيج  فيروسي يعني زي واحد عنده جرح  قديم فى ايده وتكون مكانه ندبه دي طبعا الكلام ده لو حصل جوه المعدة هيضيق فتحته المخرج بتاعتها وممكن تقفل المعدة خالص.

-         واخيرا ممكن تتحول لسرطان لا قدر الله

العلاج

اول حاجه لازم تغير من اسلوب حياتك و تواظب على المتابعة مع طبيب متخصص

مهم يعني تبطل تدخين او تقلل منه شويه بدل علبة يوميا خليها سيجارتين
لا تأكل وتنام على طول و لا تأكل بالليل او تستعجل الاكل وتأكله ساخن

بلاش الاكل الحار او اللي فيه توابل  
منع الخمور تماما

واخيرا   العلاج الجراحي  وده له دواعي وهي

 لو منفعش العلاج بالأدوية
 لو القرحة رجعتلك تاني
 لو حصل لك مضاعفات من القرحة زي ضيق في فتحة خروج المعدة الي الاثني عشر او المعدة اتخرمت ....
 لو العيان مش بيحب الأدوية وحابب مره واحده ويخلص ..

العملية عباره عن
اما نقطع العصب الحائر الامامي والخلفي الي مسؤل عن افراز الحمض اسمهاtruncal vagotomy وده بيقلل الحمض بنسبه من 80 الى 50%
او بيعملوا  قطع لفروع للعصب الحائر معينه فى الجزء العلوي من المعدة
طبعا العمليات دي خاصه لو القرحه فى الاثني عشر ...
اما لو في المعدة بنشيللوا القرحة خاص وبيعملوا توصيله من المعدة للاثني عشر مباشرة