مطعم شعبان بتاع السمك اللى بيقولوا عليه بالاسكندرية

لو زورت الاسكندرية لازم تكون سمعت عنه ، هقول لك اسراره و اشهر الاكلات عنده وحكاية اسمه ، هو ده شعبان اللى بيقولوا عليه ، الاول هتفتكرها عبارة محلية بالاسكندرية لكن لم تروح المطعم هتكتشف انه اسم المطعم .

تاريخ مطعم هو ده شعبان بتاع السمك اللى بيقولوا عليه

الجد (شعبان) الكبير قرر يعمل مطعم سمك من سنوات طويلة ، بدأ بمحل صغير مساحته 3 متر مسطح ، فيه قلاية لتسوية السمك و امام المحل الصغير طاولة واحدة و اربع كراسي .

مرت السنين و اشتهر المحل و خصوصا للمصيفين القادمين للاسكندرية من المحافظات الاخري ، و اللى كانت طلبهم الرئيسي اكلة سمك حلوة بسعر رخيص ، و ده اللى بيوفروا مطعم (هو ده شعبان بتاع السمك اللى بيقولوا عليه ) .

ومع زيادة الزبائن و اتساع شهرة المطعم بدأ التوسعات تدريجيا ، حتى وصل للشكل الحالى .

سبب تسمية مطعم هو ده شعبان بتاع السمك اللى بيقولوا عليه

كما ذكرنا من قبل ان اغلب زبائن المطعم فى بداياته من المصيفين القادمين من المحافظات الاخرى ، و طبعا كان كل مصيف يقعد يدور على المحل و يسأل اهل المنطقة السؤال المعتاد ( هو فين شعبان بتاع السمك اللى بيقولوا عليه ) ، فقرر (شعبان) يطلق على المحل اسم مبتكر و جديد يشد المصيفين القادمين للاسكندرية ، فأطلق على المحل أسم (هو ده شعبان بتاع السمك اللى بيقولوا عليه ) .

عنوان مطعم هو ده شعبان بتاع السمك اللى بيقولوا عليه

العنوان هو :- 14 شارع كريت خلف سينما ريكس بالمنشية

العنوان على خرائط جوجل

اضغط على Google Maps

اشهر المأكولات البحرية بمطعم هو ده شعبان بتاع السمك اللى بيقولوا عليه

طبعا هو مطعم شعبي الطراز ، يمتاز مطعم ( هو ده شعبان بتاع السمك اللى بيقولوا عليه ) بخلطة خاصة مميزة لاغلب المأكولات البحرية ، لكن هو مشهور خاصة بالجمبري المشوي والسمك البربون و البوري المشوي والسنجاري .

و ما تنساش طبعا كوباية شوربة الجمبري الجامدة جدا .